Памерла Валерыя Заклунная
У Кіеве на 75 годзе жыцьця памерла савецкая і ўкраінская акторка тэатру і кіно Валерыя Заклунная. Пра гэта паведаміў у суботу Кіеўскі нацыянальны акадэмічны тэатар рускай драмы імя Лэсі Ўкраінкі.
23.10.2016 / 10:40
Валерыя Заклунная асабліва запомнілася кінагледачам па маленькай ролі сяброўкі кіраўніка банды ў фільме «Месца сустрэчы зьмяніць нельга».
У паведамленьні тэатра на Фэйсбуку гаворыцца, што пайшла з жыцьця акторка, якая працавала на яго сцэне больш за 50 гадоў.
Валерыя Заклунная нарадзілася ў 1942 годзе ў Сталінградзе. У 1950 году сям’я пераехала ў Кіеў. У 1966 году Заклунная скончыла Школу-студыю МХАТ і з тых часоў працавала ў Кіеўскім акадэмічным рускім драматычным тэатры імя Лэсі Ўкраінкі.
У кіно Заклунная пачала здымацца з 1968 года. Сярод работ актрысы галоўныя ролі ў фільмах «Каханьне зямное», «Лёс», «Асабліва важнае заданне».
Была дэпутатам Вярхоўнай Рады Ўкраіны ад кампартыі Ўкраіны.