Па ініцыятыве маладафронтаўцаў мінчукі прыйшлі да будынку КДБ з партрэтамі ахвяр сталінскіх рэпрэсій ФОТЫ
29.10.2016 / 20:18
У ноч з 29 на 30 кастрычніка 1937 года ў сутарэннях НКВД былі расстраляныя больш за 100 прадстаўнікоў беларускай інтэлектуальнай эліты. У расстрэльны спіс трапілі Міхась Чарот, Міхась Зарэцкі, Алесь Дудар, Янка Нёманскі, Платон Галавач.
Увечары 29 кастрычніка ля будынка КДБ маладафронтаўцы і іх сябры запалілі свечкі і ўзялі ў рукі партрэты расстраляных у тую жудасную ноч. Удзельнікі акцыі заклікалі не забываць пра гэта страшнае злачынства камуністычных уладаў.
У дачыненні да ўдзельнікаў акцыі міліцыя склала адміністрацыйныя пратаколы.
* * *