Pa inicyjatyvie maładafrontaŭcaŭ minčuki pryjšli da budynku KDB z partretami achviar stalinskich represij FOTY
29.10.2016 / 20:18
U noč z 29 na 30 kastryčnika 1937 hoda ŭ sutareńniach NKVD byli rasstralanyja bolš za 100 pradstaŭnikoŭ biełaruskaj intelektualnaj elity. U rasstrelny śpis trapili Michaś Čarot, Michaś Zarecki, Aleś Dudar, Janka Niomanski, Płaton Hałavač.
Uviečary 29 kastryčnika la budynka KDB maładafrontaŭcy i ich siabry zapalili śviečki i ŭziali ŭ ruki partrety rasstralanych u tuju žudasnuju noč. Udzielniki akcyi zaklikali nie zabyvać pra heta strašnaje złačynstva kamunistyčnych uładaŭ.
U dačynieńni da ŭdzielnikaŭ akcyi milicyja skłała administracyjnyja pratakoły.
* * *