Амерыканская кампанія Microsoft купляе бізнес фінскай кампаніі Nokia па вытворчасці мабільных тэлефонаў за 5,4 млрд. еўра (7,2 млрд даляраў).
Згодна з умовамі здзелкі, Microsoft атрымлівае правы на выкарыстанне патэнтаў кампаніі і вытворчасць мабільных прылад.
Да 2011 года кампанія была лідарам на рынку мабільных тэлефонаў, аднак ужо некалькі гадоў саступае Samsung і Apple.
Так, за другі квартал у адносінах да аналагічнага перыяду мінулага года яе продажы ўпалі на 24%. У прыватнасці, мабільных тэлефонаў было прададзена 53,7 млн адзінак, што на 27% менш, чым у другім квартале 2012 года.
Аднак продажы новых смартфонаў Lumia з аперацыйнай сістэмай Windows у гэты перыяд выраслі.
Зліццё павысіць сумяшчальнасць апаратуры і праграмнага забеспячэння, мяркуюць эксперты.
Microsoft прыняла ўмову на працягу 10 гадоў выпускаць мабільныя тэлефоны пад брэндам Nokia.
0
0
0
0
0
0
