фота Tut.by
8 (–) Павел Калаўр
Старшыня праўлення Нацбанка.
Новы галоўны банкір краіны пагасіў валютны крызіс менш чым за месяц. Ягоная папярэдніца Надзея Ермакова ў 2011 раскачвалася амаль паўгода.
Калаўр — пазітыўны вобраз чыноўніка, які прабіўся наверх дзякуючы мазгам, а не сувязям. Ён не баіцца прымаць рашэнні, гатовы чуць розныя меркаванні, на нарады Нацбанка запрашаюць незалежных эканамістаў. Аднак кірунак манетарнай палітыкі ўсё адно вызначаюць не ў Нацбанку, а ў калідорах Адміністрацыі прэзідэнта.
Цытата
«Любы дазвол разлікаў у замежнай валюце — удар па сваёй».
Снежань 2011.
Аб’ектыўка
Нарадзіўся ў 1962 у вёсцы Белавуша на Століншчыне. Скончыў Пінскі ўлікова-крэдытны тэхнікум (1980), Беларускі дзяржаўны інстытут народнай гаспадаркі імя Куйбышава (1985). Кандыдат эканамічных навук (2001).
Працаваў у Стаўбцоўскім, Бярэзінскім, Валожынскім аддзяленнях Дзяржбанка СССР (1985–1987), узначальваў Валожынскае аддзяленне Аграпрамбанка СССР (пасля — «Белаграпрамбанка») (1988–1993).
Працаваў у сістэме Нацбанка (1993–2010), спачатку намеснікам старшыні праўлення, з 1999 — першым намеснікам.
Старшыня праўлення банка «БелВЭБ» (2010–2014). Старшыня праўлення Нацбанка (з 2014).
* * *
Чытайце таксама:
Self-made man: гісторыя поспеху Паўла Калаўра, рэпартаж з яго малой радзімы
* * *
