Гарадзенцы 1986 і 1989 гадоў нараджэння стварылі таварыства з абмежаванай адказнасцю па выдачы пазыкаў пад высокія працэнты. Хто не вяртаў грошы, з тых іх «выбівалі» сілай.

 

«У перыяд з чэрвеня па кастрычнік 2013 яны прымушалі жыхара Гродна 1992 года нараджэння вярнуць з працэнтамі пазыку ў памеры 2 мільёнаў рублёў. Для гэтага

 

вывезлі яго на могілкі, пагражалі забойствам, дэманструючы пнеўматычны пісталет, прымушалі капаць сабе магілу,

 

— паведаміў прадстаўнік упраўлення Следчага камітэта па Гродзенскай вобласці Сяргей Шаршаневіч. — У далейшым з мэтай вяртання пазыкі і атрымання звышпрыбытку спрабавалі аформіць на даўжніка ў крэдыт пакупку дарагой бытавой тэхнікі, прымушалі працаваць на іх, забралі дакументы».

Па словах Шаршаневіча, устаноўлены факт, калі тыя ж хлопцы з красавіка па верасень гвалтам «выбівалі» вяртанне аднаго мільёна з працэнтамі з 45-гадовай гарадзенкі.

 

Абодва падазраваныя знаходзяцца пад вартай. Следчыя працягваюць высвятляць, ці былі яшчэ здзейснены падобныя злачынствы.

Дзве крымінальныя справы заведзены за прымус да выканання дамоўленых абавязальніцтваў з ужываннем гвалту, здзейснены групай асобаў. Да дзесяці гадоў турмы.

Калі нехта пацярпеў, можа звяртацца на: (0152) 65-96-49, (0152) 72-40-40.

 

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?