24 сакавіка аматары падпальваць сухую траву неспадзявана знішчылі адразу некалькі жылых і гаспадарчых будынкаў.
У вёсцы Мілае Клічаўскага раёну агонь распаўсюдзіўся на тэрыторыю ў 3 га і знішчыў тры дамы і некалькі хлявоў. Яшчэ ў двух дамах былі пашкоджаны сцены і дах. А ў вёсцы Ярмолаўка агонь амаль знішчыў дом, пашкодзіў баню і гаспадарчыя пабудовы.
Як мяркуецца, прычына пажару — неасцярожнае абыходжанне з агнём пры спальванні сухой расліннасці, паведамляе прэс-служба МУС. Вінаватыя асобы высвятляюцца.
0
0
0
0
0
0
