Здарэнне адбылося ў мікрараёне Дзевятоўка 24 лютага, паведамляе УУС Гродзенскага аблвыканкама.

Мясцовы жыхар пабачыў, што нехта падрапаў яго машыну. Міліцыя, што прыбыла на месца здарэння, выявіла яшчэ шэсць транспартных сродкаў з ідэнтычнымі пашкоджаннямі — усяго сем машын. На шасці з іх былі намаляваныя лічбы два і дзесяць, а на адным аўтамабілі было напісана нецэнзурнае слова.

Супрацоўнікі міліцыі сталі апытваць жыхароў бліжэйшых дамоў. Некаторыя распавялі, што бачылі двух непаўналетніх дзяцей.

Аднаго з непаўналетніх выклікалі на размову разам з мамай. Жанчына сама распытала сына, пасля чаго ён прызнаўся ў зробленым. Хлопчык растлумачыў, што яму было сумна, ён знайшоў крэйды і вырашыў не маляваць на асфальце, як рабіла яго старэйшая сястра, а памаляваць на машыне.

Клас
0
Панылы сорам
0
Ха-ха
0
Ого
0
Сумна
0
Абуральна
0