Бакі абмяняліся меркаваннямі па ўкраінскім пытанні. Ван І заявіў, што сітуацыя ва Украіне дайшла да такога стану, якога не хоча бачыць кітайскі бок, паведамляе REFORM.by са спасылкай на МЗС Кітая.

«Украінскае пытанне складанае і заблытанае, яно звязанае не толькі з базавымі нормамі міжнародных адносін, але і з інтарэсамі бяспекі ўсіх бакоў, неабходна засяродзіць увагу не толькі на вырашэнні цяперашняга крызісу, але і на доўгатэрміновы мір і стабільнасць у рэгіёне», ‒ адзначыў Ван І.

Кітай заклікае паважаць і абараняць суверэнітэт і тэрытарыяльную цэласнасць усіх краін, а таксама настойвае на мірным урэгуляванні спрэчак праз дыялог.

«Мы таксама заклікаем ЗША, НАТА, Еўрапейскі саюз і Расію весці раўнапраўны дыялог, супрацьстаяць супярэчнасцям і праблемам, якія назапасіліся за гэтыя гады, звярнуць увагу на негатыўны ўплыў працяглага пашырэння НАТА на ўсход на бяспеку Расіі і імкнуцца да стварэння збалансаванага, эфектыўнага і ўстойлівага асяроддзя бяспекі ў адпаведнасці з прынцыпам непадзельнасці бяспекі», ‒ сказаў кіраўнік МЗС Кітая ў размове з калегам з ЗША.

Кітай зараз займае нейтральную пазіцыю, але вайна ва Украіне непазбежна закране эканамічныя інтарэсы Кітая ў Еўропе.

Клас
0
Панылы сорам
0
Ха-ха
0
Ого
0
Сумна
0
Абуральна
0