Улады Украіны: З пачатку вайны знішчана да 30% інфраструктуры краіны
З пачатку вайны ва Украіне знішчана 20-30% інфраструктуры. Сума нанесенай шкоды складае як мінімум $100 млрд даляраў, заявіў у інтэрв'ю агенцтву Reuters міністр інфраструктуры Украіны Аляксандр Кубракоў.
Паводле яго слоў, разбурана або пашкоджана больш за 300 мастоў, павінны быць адрамантаваныя або адноўленыя больш за 8 тысяч км дарог, дзясяткі чыгуначных мастоў былі ўзарваныя.
«Калі казаць пра дарогі, масты і жылыя дамы, то я лічу, што амаль усё можна аднавіць за два гады (…) калі ўсе будуць працаваць хутка», — дадаў міністр.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ