Фота: BBC Food

Каб прыгатаваць яйкі па-шатландску, вам спатрэбіцца:

  • 4 вялікія яйкі + яйка любога памеру (яго трэба будзе ўзбіць)
  • 275 грамаў фаршу
  • чайная лыжка чабору
  • сталовая лыжка пакрышанай пятрушкі
  • адзін дробна пакрышаны парастак зялёнай цыбулі
  • соль і свежамолаты чорны перац
  • 125 грамаў мукі (добра прыпраўце яе соллю і свежамолатым чорным перцам)
  • 125 грамаў паніровачных сухароў
  • алей для смажання
  1. Пакладзіце яйкі ў рондаль з падсоленай халоднай вадой.
  2. Пастаўце яго на вялікі агонь і давядзіце да кіпення, потым знізьце агонь і варыце яйкі роўна дзевяць хвілін.
  3. Выліце ваду і астудзіце яйкі пад халоднай вадой з-пад крана, здыміце з іх шкарлупіну.
  4. Змяшайце фарш з чаборам, пятрушкай і цыбуляй, добра прыпраўце соллю і перцам — лепей не шкадаваць перцу.
  5. Раздзяліце фарш на чатыры часткі і раскачайце кожную з іх на чыстай паверхні ў авал даўжынёй прыкладна 12,5 см і шырынёй 7,5 см.
  6. Пакладзіце муку з соллю і перцам у талерку, потым абсыпце гэтай сумессю кожнае яйка.
  7. Пакладзіце кожнае яйка ў авал з фаршу, абгарніце яйкі фаршам. Сачыце за тым, каб яйкі былі цалкам пакрытыя мясам і каб іх паверхня была гладкая.
  8. Акуніце кожнае яйка, пакрытае мясам, ва ўзбітае яйка, потым шчыльна абсыпце яго сухарамі.
  9. Разагравайце алей у цяжкай патэльні з тоўстым дном да таго моманту, пакуль сухары не пачнуць шыпець і прымаць карычневы колер, калі іх дробка трапіць на патэльню. Будзьце ўважлівыя, бо гарачы алей можа быць небяспечным, і не пакідайце патэльню без нагляду.
  10. Асцярожна пакладзіце кожнае яйка на патэльню. Смажце іх у алеі 8-10 хвілін, пакуль катлеты не стануць залатымі і хрусткімі і пакуль фарш цалкам не прыгатуецца.
  11. Акуратна здыміце катлеты з патэльні з дапамогай шумоўкі, высушыце іх на папяровым ручніку.
  12. Падавайце яйкі па-шатландску халоднымі.

«Нашу Ніву» фінансуюць яе чытачы — падтрымаць проста

Чытайце таксама:

Рэцэпт на выходныя: шакаладнае пячэнне з апельсінам

Рэцэпт на выходныя: дорсэцкі яблычны пірог

Клас
6
Панылы сорам
1
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?