На долю Украіны прыпадае каля 10% паставак усёй сусветнай пшаніцы, аднак з пачаткам вайны Расія заблакавала ключавыя ўкраінскія парты ў Чорным моры, праз якія ажыццяўляецца транспарціроўка. У сховішчах Адэсы і іншых гарадоў экспарту на захад чакаюць сотні тысяч тон збожжа.

«Неабходна адкрыць гэтыя парты як мага хутчэй, бо гаворка ідзе не толькі пра Украіну, але і пра тых, хто мае патрэбу па ўсім свеце, хто знаходзіцца на мяжы голаду, — сказаў кіраўнік харчовай праграмы ААН Дэвід Біслі на экстранай сустрэчы па пытаннях харчовай бяспекі ў Нью-Ёрку.

— Я заклікаю прэзідэнта Пуціна адкрыць парты, калі ў яго ёсць сэрца».

Генеральны сакратар ААН Антоніу Гутэрыш, у сваю чаргу, заявіў, што свет чакаюць гады масавага голаду, калі сітуацыя не будзе вырашаная.

Паводле яго слоў, ён праводзіць экстранныя перамовы з прадстаўнікамі Расіі, Украіны, Турцыі, ЗША і Еўрасаюза, але, мяркуючы па ўсім, хуткага рашэння не будзе.

Гутэрыш таксама заявіў, што праз санкцыі значна парушаны экспарт расійскіх угнаенняў, што таксама стане адным з звёнаў харчовага крызісу.

Дзяржсакратар ЗША Энтані Блінкен, які старшынствуе на харчовым саміце ў Нью-Ёрку, заклікаў краіны са значнымі запасамі збожжа і ўгнаенняў дзейнічаць больш актыўна ў гэты складаны для ўсяго свету момант.

Клас
Панылы сорам
Ха-ха
Ого
Сумна
1
Абуральна
3

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру