У Маскве на спектаклі Ахеджакавай распылілі пярцовы балончык
Расійская актрыса Лія Ахеджакава, якая з першых дзён уварвання падтрымлівае Украіну, выступіла ў Маскве са спектаклем. Падчас яе знаходжання на сцэне адзін з гледачоў нібыта распыліў пярцовы балончык, хоць сам ён гэта адмаўляе. Пра гэта паведамляе «РЕН ТВ».
Відавочцы паведамілі, што мужчына з залы распыліў пярцовы балончык, таму супрацоўнікі тэатра «Современник» былі вымушаныя прыпыніць спектакль.
На месца здарэння выклікалі супрацоўнікаў праваахоўных органаў. Цяпер яны высвятляюць, ці ёсць пацярпелыя сярод гледачоў і супрацоўнікаў тэатра, якія знаходзіліся ў гэты момант у зале. Сама актрыса не пацярпела.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
