Міністэрства адукацыі апублікавала даты ўступных іспытаў у ліцэі. Яны працягнуцца з 16 да 29 чэрвеня. 1 ліпеня — рэзервовы дзень.

17 чэрвеня — матэматыка,

20 чэрвеня — замежная мова, інфарматыка,

22 чэрвеня — хімія, беларуская мова,

24 чэрвеня — фізіка, геаграфія, грамадазнаўства, выяўленчае мастацтва,

27 чэрвеня — руская мова,

29 чэрвеня — біялогія, гісторыя Беларусі.

На іспыты па матэматыцы, біялогіі, інфарматыцы адводзіцца 180 хвілін;

па беларускай і рускай мовах, фізіцы, хіміі, біялогіі, замежнай, гісторыі Беларусі, грамадазнаўстве, геаграфіі — 120 хвілін.

Правілы паступлення ў ліцэі змяніліся. Цяпер яны праводзяцца толькі пісьмова, а на выкананне заданняў адводзіцца не больш за тры гадзіны. Таксама заданні для паступлення ў ліцэі, а таксама крытэрыі ацэнкі цяпер будзе распрацоўваць Рэспубліканскі інстытут кантролю ведаў (які рыхтуе ЦТ). Раней гэтым займаліся аддзелы адукацыі аблвыканкамаў і Мінгарвыканкама, а для Ліцэя БДУ — сам БДУ. Станоўчымі лічацца адзнакі ад 6 балаў і вышэй.

Таксама тыя, хто не змог паступіць у ліцэй адразу, могуць патрапіць на вакантныя месцы, калі яны застануцца пасля асноўнага набору. Дадатковы набор пройдзе з 11 па 17 жніўня.

Карту ліцэяў можна паглядзець тут

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру