У Гомелі дзяўчына выпала з акна на пятым паверсе
Раніцай 14 чэрвеня жыхарка Гомеля адправілася на працу. Дома без нагляду засталася спаць яе 5-гадовая дачка. Прачнуўшыся, дзяўчынка самастойна адкрыла акно на кухні і, страціўшы раўнавагу, звалілася ўніз з пятага паверху, паведамляе Следчы камітэт.
Фота ілюстрацыйнае
Людзі, якія сталі відавочцамі здарэння, выклікалі хуткую дапамогу. Цяпер дзіця знаходзіцца ў бальніцы ў цяжкім стане.
Следства высветліла, што жанчына планавала пакінуць дзіця адно толькі на пару гадзін. Пасля дадому павінна была вярнуцца бабуля дзяўчынкі, якая яе мусіла глядзець.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
