Беларуская бульба на рынку каштуе ад 2 рублёў за кілаграм, але гэта маленькая. Сярэдняя — 3,5 рубля, вялікая ‒ 4,5.
Бульба з Азербайджана — ад 2,99 рубля. Расійская ранняя — 4-5 рублёў.
А што ў суседзяў?
Самы танны варыянт у суседзяў — у Польшчы, дзе маладыя клубні каштуюць 2 злотых за кілаграм у крамах (1,2 беларускага рубля), на рынках — па 3-5 злотых (1,7-2,9 беларускага рубля).
У Літве на рынках сёлетняя бульба каштуе 1,5 еўра за кілаграм (каля 4 беларускіх рублёў).
У супермаркетах Латвіі ранняя агародніна абыдзецца ў раёне 1 еўра (2,7 беларускага рубля).
Маладая бульбачка ў крамах Украіны каштуе каля 40 грыўняў (але кошты могуць адрознівацца ў розных рэгіёнах), прыкладна столькі ж на рынках (3,5 беларускага рубля).
У расійскіх супермаркетах маладая бульба каштуе каля 100 расійскіх рублёў (4,4 беларускага рубля).
З'явіліся лісічкі
У Інстаграме Камароўкі сёння распавялі, што на рынку прадалі першае вядро лісічак з Гродзенскай вобласці. 1,5 кілаграма грыбоў абышліся пакупніку ў 25 рублёў.
