«Ён не прайшоў цэнзуру» — з такой інфармацыяй вярнуўся ліст, у якім сын апісаў канец навучальнага года.

Аксана Пачобут падкрэсліла, што лісты, якія Пачобут пісаў сыну, таксама падвяргаліся бязлітаснай цэнзуры ў турме: «Яму вярнулі тры лісты, напісаныя па-польску Яраку. Відаць, так яму паказваюць, як у Беларусі змагаюцца з палякамі, нават калі яны сядзяць у турме».

Адзначым, што ў правілах унутранага распарадку следчых ізалятараў крымінальна-выканаўчай сістэмы Міністэрства ўнутраных спраў Беларусі не прапісана, на якой мове можна ці нельга пісаць лісты зняволенным.

Андрэй Пачобут — журналіст, актывіст Саюза палякаў у Беларусі. З 2006 года — карэспандэнт буйнога польскага выдання «Gazeta Wyborcza» ў Беларусі.

За грамадска-палітычную і журналісцкую дзейнасць Андрэя Пачобута неаднаразова затрымлівалі, каралі штрафамі, арыштамі.

Апошні раз журналіст быў затрыманы 25 сакавіка 2021 года ў сваім доме ў Гродне пасля ператрусу. Пачобута абвінавачваюць паводле арт. 130 КК РБ — «Распальванне варожасці».

Праваабаронцы прызналі Пачобута палітвязнем.

Цяпер напісаць ліст Андрэю можна на адрас: СІЗА № 1, вул. Валадарскага, д. 2, 220030, г. Мінск.

Клас
Панылы сорам
Ха-ха
Ого
Сумна
Абуральна
10

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру