Фота: сацыяльныя сеткі

Здарэнне адбылося 1 ліпеня.

«Мы былі са знаёмымі ў парку, размаўлялі пра вайну ва Украіне, рабілі гэта па-руску. Побач ішлі два палякі. Яны сталі глядзець на нас, што мы робім. Селі на суседнюю лаўку і пачалі з намі размаўляць па-руску, у іх быў акцэнт. 

Яны запыталіся, чаму мы не ў войску і не баронім Украіну. Таксама яны расказалі, што такіх, як мы, тут не чакаюць, нам трэба вяртацца ва Украіну. Я так зразумеў, што ўкраінцаў яны таксама не любяць», — расказвае Антось. 

Пасля хлопец патлумачыў, што яны беларусы. 

«Гэтыя два палякі адразу пачалі гаварыць, што мы краіна-агрэсар, сталі выганяць нас з парка. Крычалі, што ў Польшчы такія людзі не патрэбныя. Я бы ацаніў гэта ўсё як нейкі нацыяналістычны настрой з іх боку. 

Мы са знаёмымі сталі адходзіць, яны за намі. Я яшчэ тлумачыў, што жыву ў Польшчы ўжо дзевяць гадоў. «Вяртайся дадому», — адказалі гэтыя мужчыны», — згадвае ён.

Пасля гэтага адзін з іх ударыў Антося па галаве. Музыка ўпаў, страціў прытомнасць і пашкодзіў нагу. 

«Сябры мае, канечне, былі ў шоку, — кажа ён. —

Сярод іх былі музыкі, якія ў Польшчу прыехалі на рэабілітацыю пасля таго, як іх збілі амапаўцы.

Перад тым, як я атрымаў па галаве, мы размаўлялі пра тое, што беларусаў цяпер ніхто не любіць: ні расіяне, ні ўкраінцы. І цяпер, атрымліваецца, і палякі».

Фота: сацыяльныя сеткі

Потым Антось убачыў, што ў яго ідзе кроў. Ударылі яго маленькім кастэтам. 

«Выглядалі гэтыя два мужчыны гадоў на 40. Наконт іх не ведаю, але мы ў стане алкагольнага ап'янення не былі. 

Спачатку мы пайшлі купляць лёд, спынялі кроў. У гэты самы дзень я пайшоў у паліцыю і падаў заяву. На наступны дзень яны паехалі на месца, каб паглядзець камеры відэаназірання. Сказалі, што калі знойдуць мужчын, то мне трэба будзе прыехаць і спраўдзіць, што гэта тыя. Гаварылі, што ў такім выпадку будзе суд. Наконт таго, наколькі верагодна іх знайсці, нічога не сказалі», — дзеліцца хлопец. 

Цяпер Антось адчувае сябе нармальна. У бальніцу ён не звяртаўся. 

«Саму сітуацыю ўспрымаю нармальна. Сярод палякаў ёсць людзі, якія любяць Лукашэнку, ходзяць на 9 мая да расійскай амбасады. Цяпер СМІ ў Еўропе пішуць пра Беларусь, як краіну-агрэсара. Тут мала людзей ведае аб пратэстах, палітвязнях. Атрымліваецца, што ніхто не ведае пра 2020 год, але ўсе ў курсе, што Беларусь замяшаная ў вайну».

Чытайце таксама: 

Польшча пачне прымаць заявы беларусаў на гуманітарныя дазволы на жыхарства з 8 ліпеня

Ад 20 да 100 адсоткаў у плюс. Як змяніліся цэны на тэхніку ў параўнанні з лютым

Клас
6
Панылы сорам
9
Ха-ха
6
Ого
4
Сумна
61
Абуральна
66

Хочаш падзяліцца важнай інфармацыяй ананімна і канфідэнцыйна?

0
ололо / Адказаць
05.07.2022
Ну як гэта ніхто не ведае пра 2020. У Антося кагнітыўнае скажэнне, што раз ён атрымаў на арэхі ад нейкіх неадэкватаў, дык відаць мала хто ведае пра Беларусь. Можна у любым месцы планеты адхапіць з любой нагоды.
7
Изучающий червей / Адказаць
05.07.2022
Первая проблема Европы: они нежные. -В чем нежность? -В том, что после объявления РБ страной-соучастником надо было сразу:
1. закрыть все представительства и консулаты и посольства рб в Европе. Это источники беспорядков, координаторы операций. Послов и консулов РБ - всех - поголовно и их семьи - шайзе ин Беларус.
2. прекратить все уровни общения с диктатурой на всех уровнях.
3. связаться с ByPol и координировать списки беларусов, прибывающих в Европу. Чтобы фильтровать агентуру, которой сейчас толпы.
4. при задержке агента - не быть нежным. Нежность в общении с фашистом обернется кровью того, кто нежничает. Хотя бы: снять отпечатки, днк, фото и видеофиксацию, далее внесение в списки Интерпол, стоп-лист Евросоюза и Америки. Конфискацию и работы в лесах/соляных копях на пару лет.
1
Кэл / Адказаць
05.07.2022
Без апраўдання палякаў. Але гэты гурт у інтэрв'ю Тузіну гітоў патрабаваў не размаўляць з імі на беларускай мове
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру