Пра гэта гаворыцца ў штодзённай справаздачы брытанскай разведкі.
Паведамляецца, што за апошні тыдзень расійскія сілы, верагодна, прасунуліся яшчэ на 5 км па галоўнай дарозе E40 ад Ізюма, сутыкнуўшыся з надзвычай рашучым супрацівам украінцаў.
Расійскія сілы з усходняй і заходняй груп войскаў цяпер, верагодна, знаходзяцца прыкладна ў 16 км на поўнач ад Славянска.
«Улічваючы тое, што горад таксама знаходзіцца пад пагрозай з боку цэнтральнай і паўднёвай груп войскаў, існуе рэальная верагоднасць таго, што бітва за Славянск стане наступнай ключавой бітвай у барацьбе за Данбас», — гаворыцца ў паведамленні.
