Кёльнскі ўніверсітэт — адзін з заснавальнікаў акадэміі

Кёльнскі і Бонскі ўніверсітэты, якія адносяцца да найбуйнейшых ВНУ Германіі, вырашылі падтрымаць перш за ўсё ўкраінскіх даследчыкаў і даць ім магчымасць працягнуць сваю навуковую дзейнасць у сябе. Але скарыстацца з гэтай магчымасці могуць і расіяне ды беларусы, якія мусілі пакінуць радзіму з-за палітычнага пераследу.

У новую акадэмію запрашаюць прафесараў, кандыдатаў навук і ў некаторых выпадках аспірантаў. Абедзве ВНУ плануюць выдзеліць для іх па дзесяць працоўных месцаў у памяшканнях універсітэтаў. Акрамя лагістыкі, навукоўцам абяцаюць падтрымку ў вырашэнні адміністрацыйных пытанняў.

Стыпендыі па гэтай праграме не прадугледжаныя, але заснавальнікі акадэміі абяцаюць дапамагчы з падачай заявак на індывідуальнае фінансаванне ў розныя фонды падтрымкі.

Новы праект прадугледжаны ў першую чаргу для прадстаўнікоў юрыдычнай і гістарычнай навук, паліталогіі, а таксама культуралогіі або лінгвістыкі. Вырашальным для прыёму ў акадэмію з'яўляецца тэматычны кірунак працы вучонага. Даследчы праект павінен быць звязаны з Еўропай: еўрапейскія каштоўнасці, гісторыя Еўропы, супастаўленне палітычных і прававых сістэм, параўнальнае мовазнаўства.

Суіскальнікі павінны ведаць англійскую мову, веданне нямецкай пажаданае, але не абавязковае. Прыём дакументаў будзе доўжыцца да канца ліпеня.

Дакладныя тэрміны пачатку працы «Акадэміі ў выгнанні» арганізатары пакуль не называюць. Спачатку трэба будзе набраць дастатковую колькасць падыхзячых кандыдатаў і знайсці для іх фінансаванне. Гэта можа заняць да шасці месяцаў.

Плануецца, што навукоўцы правядуць у Кёльне або Боне два-тры гады, але шмат што залежыць ад далейшага развіцця палітычнай сітуацыі. У цэлым акадэмія задуманая як доўгатэрміновы праект. 

Клас
16
Панылы сорам
2
Ха-ха
1
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Кривые зеркала / Адказаць
07.07.2022
Правильно делают не пропадать же науке и учёным, ведь в РФ и РБ они просто пропадут,
и наука, и учёные.
 Да и врачи с учителями не нужны, в РБ и РФ нужны бюджетники, которые хороводят
карусели на избирательных участках, да фальсифицируют дурыборы, за палку колбасы
и бутылку шампанского (шампанское, по желанию члена избирательной комиссии, можно
заменить на бутылку водки) дёшево и сердито....
Каб пакінуць каментар, калі ласка, актывуйце JavaScript у наладах свайго браўзеру