З Масквы ў Калінінград праз Беларусь будзе хадзіць яшчэ адзін цягнік
Як паведамілі ў прэс-службе Расійскай чыгункі, яны павялічваюць колькасць цягнікоў у зносінах з Калінінградам. У кампаніі паведамілі, што па ўзгадненні з адміністрацыямі Літоўскай і Беларускай чыгунак прызначаны дадатковы цягнік № 148/147 Калінінград — Масква, які будзе курсіраваць тройчы на тыдзень.
З Калінінграда цягнік будзе рухацца па панядзелках, чацвяргах і нядзелях з 21 ліпеня па 25 верасня, а з Масквы — па панядзелках, аўторках і пятніцах з 22 ліпеня па 26 верасня. Квіткі з'явяцца ў продажы ў найбліжэйшы час.
Пры транзітным праездзе праз Літву цягнік робіць толькі тэхнічныя прыпынкі, без пасадкі і высадкі пасажыраў. Існуе і квота месцаў: не больш за 250 пасажыраў у адным саставе.
На тэрыторыі Беларусі цягнік спыняецца ў Смаргоні, Маладзечне, Мінску і Оршы.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
