Арцём мусіў выйсці на волю 29 чэрвеня, адбыўшы цалкам тэрмін па справе пашкоджання машыны супрацоўніка ДВП Аляксандра Гейца, але гэтага не адбылося — яго ўзялі пад варту па новай крымінальнай справе па арт. 369 Крымінальнага кодэкса.

Арцём на судзе віну не прызнаў і заявіў, што новая крымінальная справа — гэта помста начальніка калоніі № 15, дзе ён падвяргаўся катаванням і збіццю. У выніку суддзя Ксенія Нікіфарава склала прысуды па двух крымінальных справах (нават па той, па якой Арцём цалкам адбыў тэрмін) і прызначыла палітвязню ў суме тры гады калоніі, два з якіх ён адбыў. Арцёму засталося адбываць яшчэ каля года зняволення.

«Начальнік калоніі сказаў, што «я цябе ў спакоі не пакіну і зраблю ўсё, каб дадаць табе тэрмін». «У мяне ёсць знаёмыя суддзя, пракуроры», — гэта ягоныя словы. І калі справа па арт. 411 КК [злоснае парушэнне рэжыму] была прыпынена, то той жа следчы, які вёў справу па арт. 411 КК, пачаў праверку па арт. 369 КК».

Нагадаем, Арцёма Анішчука асудзілі да двух гадоў пазбаўлення волі і этапавалі ў магілёўскую калонію №15, дзе ён зазнаў катаванні. Палітвязня ў верасні перавялі з магілёўскай калоніі ў бабруйскую калонію № 2, дзе ён таксама падвяргаўся ціску. Там Арцём даведаўся, што супраць яго магілёўскімі следчымі праводзіцца праверка па факце «абразы міліцыянера ў закрытым тэлеграм-чаце».

28 чэрвеня, за дзень да вызвалення, Арцёму ўручылі пастанову пракурора Магілёва, згодна з якой Анішчука узялі пад варту ўжо па новай крымінальнай справе. Пры гэтым на момант здзяйснення «злачынства» дзейнічала старая рэдакцыя артыкула 369 Крымінальнага кодэкса, якая не прадугледжвала меру стрымання ў выглядзе ўтрымання пад вартай.

Новая справа нібыта была заведзеная 27 снежня 2021 году, і толькі 20 мая Арцём стаў падазраваным па ёй. 8 чэрвеня яго этапавалі ў следчую турму № 4 на 10 дзён для «правядзення следчых дзеянняў», дзе яму выставілі абвінавачванне па арт. 369 КК. Справу завялі за паведамленне ў закрытым тэлеграм-чаце ў верасні 2020 года, але пад варту яго вырашылі ўзяць цяпер — калі Арцём мусіў выйсці на волю.

Чытайце па спасылцы: Палітвязень праз два тыдні мусіў выйсці на волю. Каб яго не выпускаць, завялі новую крымінальную справу

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Валянціна / Адказаць
25.07.2022
Ну яны ж не думаюць, што з імі мы будзем інакш? Заслужылі цалкам.
0
feafania / Адказаць
26.07.2022
Мяне заўсёды ўражвае, як яны старанна робяць выгляд, што ўсё па законе. Каб сонца засланіць вушэй асьліных мала...
Каб пакінуць каментар, калі ласка, актывуйце JavaScript у наладах свайго браўзеру