Пацярпелы пасля зарплаты пайшоў у госці. Падчас застолля ён не адказваў на званкі жонкі. Жанчына, баючыся за сямейны бюджэт, адправіла вяртаць мужа дадому сваю дачку і зяця. Тыя захапілі з сабой 30-гадовую знаёмую.
Кампанія прыйшла ў патрэбны дом. Мужчына на прапанову аддаць банкаўскую картку адказаў адмовай. Тады сяброўка яго дачкі схапіла пацярпелага за геніталіі і «добранька правярнула». Пасля гэтага мужчына аддаў «пластык» і выклікаў хуткую.
Траўма аказалася сур'ёзнай. Дактары правялі аперацыю на пахвінную вобласць і выдалілі адно яечка. У дачыненні да жанчыны распачалі крымінальную справу за прычыненне цяжкага цялеснага пашкоджання.
