Альшанскі — досыць вядомая асоба ў некаторых польскіх колах. Мужчыну абвінавачваюць у антысеміцкіх выступах, падчас якіх ён быў апрануты ў форму з сімваламі SS, а таксама ў нападзе на журналіста і дэпутата Сейма, паведамляюць «Моцныя навіны».
Альшанскі ў Польшчы вядомы ролікамі на YouTube, у якіх станоўча адгукаўся пра гвалт, антысемітызм і ксенафобію. Акрамя таго, паляк адмаўляў існаванне каранавіруса і запэўніваў, што хвароба кантралюецца амерыканскай арміяй.
Цяпер мужчыну пагражаюць 2 гады турмы.
