З выключэннем Беларусі з рэгіянальных лагістычных ланцужкоў прыйдзецца пачакаць. Такое меркаванне выказала аналітык лукашэнкаўскага «Беларускага інстытута стратэгічных даследаванняў» («БІСІ») Вольга Лазоркіна, паведамляе БелТА.

«Рэспубліка Беларусь з'яўляецца паўнавартасным членам сусветнай супольнасці. Да цяперашняга часу адзіны орган, які мае права ўжываць санкцыі, — ААН не разглядае гэтага пытання нават ініцыятыўна», — адзначыла Лазоркіна.

Яна звярнула ўвагу, што для Беларусі пытанне выбару паміж Захадам і Усходам ніколі не стаяла і не стаіць. Еўрапейскі кантынент быў і застаецца для Беларусі цывілізацыйным якарам і цэнтрам культурнага прыцягнення.

«Беларусь мае не толькі жаданне захаваць свае пазіцыі ў рэгіянальным гандлі, але і ўласнасць у ЕС. Увядзенне санкцый абсалютна не азначае, што мы закрываем гэтае пытанне і шукаем шчасця за іншымі морамі», — лічыць лукашэнкаўскі аналітык.

«Мы ніколі не давалі ім (палякам і літоўцам — заўв. Рэд.) падставы. Што тычыцца бізнэс-супольнасці нашых краін-суседзяў, то ў нас ёсць для іх цікавыя дзелавыя прапановы, а не забароны і банкруцтва», — сказала Вольга Лазоркіна.

Гэта істотна адрозніваецца ад таго, што лукашэнкаўскія прапагандысты і палітычныя каментатары (у тым ліку з «БІСІ») гаварылі апошнім часам. Звычайна аналітыкі гэтай структуры пасля 2020 года дэманізавалі Захад, выказваліся пра яго рэзка негатыўна, тыражуючы абсурдныя канспіралагічныя тэорыі ў стылі Рэн-ТВ.

А што раней казалі ў «БІСІ»?

Вось, напрыклад, што яшчэ не так даўно казаў пра Захад кіраўнік «БІСІ» Аляксей Аўдонін. Тыповая нафталінавая прапаганда.

«Мы ведаем, што ёсць так званыя марскія дзяржавы. Яны паводзяць сябе, як піраты, якія жывуць за кошт іншых. Вось гэтая мадэль прыгнёту добра працавала на працягу 300 або 400 гадоў. У першую чаргу за кошт тэхналагічнага рыўка ў галіне ўзбраення. Цяпер мы бачым, што гэтай тэхналагічнай розніцы ўзбраенняў паміж Захадам і іншымі краінамі ўжо няма. Расія валодае магутным ракетным і звышгукавым узбраеннем. Дакладна такое самае ўзбраенне ёсць у Кітая. Натуральна, англасаксы хацелі б навязаць сваю мадэль свету».

На яго думку, Кітай, Расія, Індыя і краіны Блізкага Усходу ўсведамляюць, што англасаксы ўсім надакучылі.

На Захадзе думаюць фармацыямі трохсотгадовай даўніны, казаў Аўдонін.

«Цяпер прадстаўнікі так званага залатога мільярда ўсведамляюць, што хацелі б жыць на нашай планеце на працягу, скажам, 500 і больш гадоў. Яны лічаць, што рэсурсаў на ўсіх не хопіць. Палёты на Марс, якія прасоўваў Ілан Маск, аказаліся ўтопіяй», — сказаў Аляксей Аўдонін.

Аўдонін таксама адзначыў, што цяпер у эліт застаецца адно выйсце — пазбаўляцца ад лішніх людзей. «Яны лічаць, што столькі людзей не трэба ва ўмовах аўтаматызацыі», — лічыць Аўдонін.

«Залаты мільярд» думае фармацыямі трохсотгадовай даўніны, і яны не маюць рацыю. З імі цяпер Расія і Кітай вядуць барацьбу за нас усіх», — падсумаваў Аляксей Аўдонін.

Варта адзначыць, што аналітыкі «БІСІ» раней не былі заўважаныя ў выказваннях, якія адыходзяць ад генеральнага курсу.

І падобная асцярожная змена рыторыкі супала па часе з выказваннямі Лукашэнкі пра тое, што не трэба рваць адносіны з Захадам.

9 жніўня Лукашэнка заявіў, што лічыць неабходным нават ва ўмовах санкцый не скідаць з рахункаў рынак Еўрасаюза.

«Нам ні ў якім разе нельга скідаць з рахункаў рынак Еўрсаюза. Гэта наш найбліжэйшы сусед. Мы палову там, па-мойму, працавалі па экспарце, — сказаў Аляксандр Лукашэнка. — З імі трэба працаваць. Шаленства палітыкаў ужо адыходзіць на задні план. Бізнэс ёсць бізнэс».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Лідкін боршч / Адказаць
16.08.2022
Прыпякло, санкцыі дапамагаюць лепш жыць. Раскажыце гэта глухой бабулі. Учора ўбачылі матацыклет лукашэнкаўскі, усё сваё. Так будзе і з дыёдным сьвятлом для расейскіх аўтамабіляў, з тармазнымі сістэмамі ды іншымі аналагаўняма.
1
Железный Дровосек / Адказаць
16.08.2022
«Морские державы», «ангосаксы»—маскальского фашиста дугина на ночь читает этот холуй рускаго мира и ненавистник Беларуси. Действительно,на томящий русскоязычный провинциальный мракобес этот «аудонин». Участь у этих промоскальских холуев одна—пока быть онучами у ордынцев,потом отвечать за свои преступления.
0
Ух-ты / Адказаць
17.08.2022
Лідкін боршч ,Так "своё" , было, - купленное чужое, теперь "своё", будет, - украденное чужое. Россия промышляет, разными видами "своего", - 300 лет с гаком.
 Посмотрите, что творится в Украине, прут ЧУЖОЕ !!!, от земли, техники, заводов до зерна, арбузов, помидор и  объявляют "своим".
 Российские, технические и технологические модернизации проводились, либо покупкой, под ключ, западных технологии и западной техники (просто названия переименовали, форды превращались в зисы, фиаты - в жигули, бмв - в москвичи ), либо пёрли чужое, крича, - "забираем своё" (после всех войн с Европой, вывозились заводы, производства, оборудование, технологии, лаборатории, а пленных заставляли строить, монтировать и учить на чужом работать и использовать).
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру