Больш за 5 праміле. У Салігорску жанчына трапіла ў ДТЗ практычна ў каматозным стане
У Салігорску ўвечары 15 жніўня аўтамабіль «Нісан» не раз'ехаўся з «Аўдзі». Пасля аварыі ў 40-гадовай жанчыны-кіроўцы «Нісана» выявілі 5,1 праміле алкаголю, што, паводле ацэнкі эксперта, з'яўляецца практычна «каматозным станам», піша «Мінская праўда».
За рулём «Нісана» знаходзілася 40-гадовая жыхарка Салігорскага раёна. Жанчына пры змене паласы з левай на правую сутыкнулася з аўтамабілем «Аўдзі», кіроўца якога прытармазіў, прапускаючы спадарожныя машыны.
У аварыі людзі не пацярпелі. Механічныя пашкоджанні атрымалі аўтамабілі. Жанчына-кіроўца «Нісана» знаходзілася ў стане алкагольнага ап'янення. У паветры, якое яна выдыхала, выяўлена 5,1 праміле алкаголю. Гэта практычна каматозны стан.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ