Пра гэта паведаміла газета «Гродзенскі хімік».
Смяротную траўму Уладзімір Дарашэнка атрымаў пры правядзенні работ па бягучым рамонце цэха карбамід-3. Як паведамляе «Зеркало», з-за абрыву люлькі мужчына сарваўся з вышыні 20-25 метраў. На заводзе ён адпрацаваў амаль васямнаццаць гадоў.
«На сённяшні дзень у прычынах трагедыі не ўстаноўленая відавочная віна наймальніка або работніка», — піша «Гродзенскі хімік».
Нагадаем, на пачатку верасня тэлеграм-канал «Стачкам Азоту» паведаміў, што на заводзе «Гродна Азот» адбылася надзвычайная сітуацыя са спыненнем цэха, пры якой пацярпелі два чалавекі. Паводле папярэдняй інфармацыі «адбылося блакаванне перадклапанаў на лініі аміяку і выхад прадукту». Пацярпелі два работнікі падраднай арганізацыі, якія спускаліся ў калону.
