Як далажыў падчас нарады міністр эканомікі Аляксандр Чарвякоў, для ўдасканалення прадпрымальніцкай дзейнасці падрыхтаваны праект закона. Яго мэта — «павысіць узровень удзелу грамадзян у фінансаванні дзяржаўных выдаткаў за кошт увядзення простых умоў і стымулаў для арганізацыі і маштабавання сваёй справы».

Законапраектам прапануецца замацаваць новую структуру малога бізнэсу.

Яна будзе складацца з трох катэгорый: самазанятыя, індывідуальныя прадпрымальнікі і юрыдычныя асобы (мікра— і малыя прадпрыемствы). У лік самазанятых увойдуць асобы, якія самастойна вядуць прафесійную дзейнасць (краўцы, перакладчыкі, няні, дызайнеры, рэпетытары і гэтак далей), рамеснікі і ўладальнікі аграэкасядзіб.

«Сёння гэтыя катэгорыі не ўлічваюцца ў прадпрымальніцкай дзейнасці. Але доля такіх грамадзян складае 15% ад занятых у мікрабізнэсе. Гэта каля 100 тысяч чалавек, — растлумачыў Аляксандр Чарвякоў. — Самазанятыя змогуць займацца любымі відамі дзейнасці, акрамя забароненых, іх вызначыць урад. У лік забароненых увойдуць гандаль, транспартныя паслугі, тэхабслугоўванне аўтатранспарту, рэалізацыя падакцызных тавараў і тавараў, якія падлягаюць маркіроўцы, ліцэнзаваная дзейнасць, пасрэдніцкія паслугі».

Улады хочуць таксама стварыць сістэму эканамічных і адміністрацыйных стымулаў, каб індывідуальныя прадпрымальнікі больш актыўна станавіліся юрыдычнымі асобамі. Як заявіў міністр, гэта будзе рабіцца «не па жорсткім сцэнарыі, а эвалюцыйна» і дапаможа пазбегнуць рызык (сыход часткі мікрабізнэса ў цень, праблему занятасці, рост сацыяльнай напружанасці).

Таксама з 2023 года для індывідуальных прадпрымальнікаў плануецца цалкам выключыць прымяненне спрошчанай сістэмы падаткаабкладання.

У якасці асноўнага падатковага рэжыму плануецца выкарыстоўваць падаходны падатак з павелічэннем яго стаўкі з 16 да 20%, а з 2024 — да 25%. Скараціць пералік відаў дзейнасці для выплаты адзінага падатку і павялічыць яго стаўкі ў паўтара—тры разы. Адначасова з гэтым для мікраарганізацый захоўваецца магчымасць выкарыстання спрошчанай сістэмы падаткаабкладання: 6% ад выручкі», — распавёў Аляксандр Чарвякоў.

Самазанятым прапануецца плаціць падатак на прафесійны даход — 10% ад выручкі.

Ён уключае ў сябе адлічэнні ў фонд сацыяльнай абароны. Такі ж падатак будуць выплачваць уладальнікі аграэкасядзіб. Для рамеснікаў захоўваецца права выбару: або падатак на прафесійны даход, або рамесны збор, гэта значыць, 2 базавыя велічыні на год.

Клас
Панылы сорам
Ха-ха
Ого
Сумна
Абуральна
0
Мойша / Адказаць
09.09.2022
Сталіністы-сатаністы вырашылі канчаткова ўгробіць краіну.
1
Юзік са станцыі Крулеўшчына / Адказаць
09.09.2022
Не трэба нават мець экамічную адукацыю, каб зразумець, што паспяховага бізнэсу ў Беларусі да скону веку ня будзе
Назаву адну з прычынаў... У Галандыі, якая па тэрыторыі крыху большая Віцебскай вобласці -- 17 млн. насельніцтва. Гэта не азначае, у Беларусі павінна жыць 102 млн. (17х6 абласцей), нам бы хапіла мільёнаў 30. Вось колькі б не адчынялася, дапусцім, у Глыбокім крутых крамаў, рэстаранаў, кавярняў -- праз год ужо вісяць на дзвярох шыльда -- "Прадаецца, альбо здаецца у арэнду". Няма наведнікаў, ці пакупнікоў! Моладзь з'язджае, а пенсіянерам з мінімалкай пенсіяй -- не да кавярняў. Паспяховы бізнес быў бы ў 50-тысячным райцэнтры, а не ў 18-тысячным! 

То бок марыць, у перспектыве, што мы адродзім бізнес, эканоміку Беларусі -- гэта нязбытачная фантазія, марны лёс. 

Колькі цяпер насельніцтва ў Беларусі? Ну, мільёнаў 8 засталося... Гадоў праз 10, калі ўсё ўстаканіцца, з тых хто збег, з'ехаў на эміграцыю -- амаль ніхто не верніцца. Не рэнтабельна займацца ні сельскай гаспадаркай, ні прамысловасцю. Адно выйсце -- экспартаваць прадукцыю з той жа Польшчы, ці Украіны...

Ва ўнісон з гэтымі маімі высновамі, пару дзён таму, паглядзеў ролікі аднаго латвійскага блогера, які вандраваў па Польшчы. Ён параўнаў кошты, і прыйшоў да высновы, што ў Латвіі у 1,5-2 разы даражэй , чым у Польшчы! -- Латвія дужа замалая па насельніцву краіна,-- кажа блогер. Польшча -- большая, большыя аб'ёмы вытворчасці, таму ўсё танней! Ну, латыш, проста зняў у мяне з языка!
0
Адам Смiт / Адказаць
09.09.2022
Юзік са станцыі Крулеўшчына, Каб аднавiць эканомiку - трэба  ўвесцi палiтыку Фiнансавага Раю, г.з. мiнимальныя падаткi i поўная адмена НДС. У Беларусь пацягнуцца капiталы, а за iмi i людзi.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру