Уладзімір Макей у інтэрв'ю тэлеканалу France 24 пераконваў журналіста, што ў Беларусі сядзяць выключна тыя, хто «падрываў» і «рыхтаваў замахі».

«Як мы можам назваць палітвязнямі тых людзей, хто падрываў міліцэйскія машыны, хто падрываў адміністрацыйныя будынкі, хто рыхтаваў замахі на міліцыянтаў, хто рабіў спробы арганізаваць тэрарыстычныя акты на чыгунцы і г. д. Я лічу, што ў Францыі за гэтыя ж правіннасці пакаранне было б вельмі суровым», — заявіў дыпламат.

На гэта журналіст зазначыў, што, на думку праваабарончых арганізацый, людзі атрымалі турэмныя тэрміны за свае погляды, а не за тое, што яны рабілі. «Менавіта таму Еўропа заяўляе, што не можа весці дыялог з Беларуссю», — падкрэсліў ён.

«Ніхто ў Беларусі не праследуецца за палітычныя погляды», — заявіў Макей.

Пры гэтым ён зазначыў, што Беларусь выступае за дыялог нават ва ўмовах санкцый.

«Мы заўсёды кажам: мы хацелі б мець шэраг каналаў для камунікацыі з ЕЗ адчыненымі, паколькі мы зацікаўленыя ў ЕЗ, у першую чаргу, як у добрым гандлёва-эканамічным партнёры. Бо мы ж суседзі. Мы хацелі б дыверсіфікаваць нашу эканоміку, дыверсіфікаваць нашу палітыку. Але, на жаль, мы не бачым гатоўнасці з боку еўрапейскіх партнёраў», — сказаў ён.

У Беларусі палітвязнямі прызнаныя 1346 чалавек. Пераважная большасць з іх сядзіць за негвалтоўныя дзеянні ці нават проста за каментарыі ў сацсетках. Сярод палітвязняў — дзясяткі журналістаў і праваабаронцаў. 

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

1
Хутка будзе ваш канец / Адказаць
25.09.2022
Врунок пуцiнскi.
1
les / Адказаць
25.09.2022
У Беларусі няма палітычных справаў, але там добра ведаюць, хто палітычны, хто не, нават, калі палітычны не пазначаны ў базах праваабаронцаў. А ў нас, як, я бачу, такіх большасьць.
У Эўропе, грамадзянін Макей, не зьяўляюцца тэрарыстамі людзі, якія напісалі пару каментаў у інтэрнэце. Іх за гэта не кідаюць у турмы. У Эўропе не асуджаюць людзей без наяўнасьці доказаў віны, а тым больш, без наяўнасьці віны, як такой.
1
Гэты гэнага піхнуў, гэны паваліўся / Адказаць
25.09.2022
Дык што зрабілі Севярынец, Статкевіч, Калесніка ва ды іншыя, што яны ў турме? Хацелі чэсныя выбары ды сумленны падлік галасоў. Уся беларуская ўлада ілжывыя манюкі.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру