Украіна не будзе плаціць грашовыя дапамогі сем'ям сваіх загінулых сілавікоў, калі яны жывуць у Беларусі
Урад Украіны пазбавіў права на аднаразовую дапамогу ад дзяржавы сем'і загінулых падчас вайны сілавікоў, калі яны пастаянна жывуць у Расіі ці Беларусі.
Таксама дапамога не будзе выплачвацца, калі члены сем'яў асуджаныя за дзяржздраду, калабарацыянісцкую дзейнасць, дапамогу дзяржаве-агрэсару.
Паводле апошніх звестак уладаў Беларусі, з 24 лютага да 23 верасня ў нашу краіну прыбылі 54 383 грамадзяніна Украіны. Не ўдакладняецца, колькі з іх засталіся ў Беларусі і ці былі сярод іх сем'і ўкраінскіх сілавікоў.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
