Сярод тых, хто трапіў пад першую хвалю — грамадзяне, якія стаяць на ўліку ў наркалагічных дыспансерах, распавёў «МО» знаёмы аднаго з губернатараў. Гэтыя людзі ўжо на ўліку ў паліцыі, яны менш мабільныя і іх лягчэй выявіць па месцы прапіскі.

Кіраўнік рэгіёна паскардзіўся суразмоўцу «МО»: «У нас канчаюцца алкаголікі». Маецца на ўвазе тое, што пасля адпраўкі людзей з алкагольнай залежнасцю складаць новыя спісы становіцца ўсё больш складана.

Пра тое, што мужчына, які жыве па прапісцы, мае найвышэйшыя шанцы атрымаць позву, піша «Вёрстка» са спасылкай на свае крыніцы ў АП і рэгіёнах.

Чым лягчэй мужчыну знайсці і залавіць — тым хутчэй яго ўнясуць у спісы. Прычым незалежна ад яго ваеннай спецыяльнасці і катэгорыі прыдатнасці — бяруць у тым ліку і абмежавана прыдатных праз хранічныя хваробы («В»). 

Прычым, рэгіёны імкнуцца браць мужчын «з запасам», перавыконваючы планы Мінабароны — гэта значыць, не 1% ад мабілізацыйнага рэзерву тэрыторыі, а 2-4%. Гэта залежыць ад пратэснага патэнцыялу рэгіёна — чым насельніцтва паслухмянейшае, тым больш у гэтым рэгіёне будзе мабілізаваных. 

Як піша «Астра», для вылоўлівання мабілізаваных у Маскве сталі выкарыстоўваць тыя ж тэхналогіі, што дазвалялі шукаць удзельнікаў мітынгаў — навабранцаў адлоўліваюць па камерах відэаназірання, дастаўляюць у аддзяленні МУС, а адтуль у ваенкаматы.

У Расіі ўжо маглі мабілізаваць 213 тысяч чалавек з 53 рэгіёнаў, падлічылі «Важные истории» і CIT. Напярэдадні Шайгу заявіў, што з 21 верасня ў Расіі мабілізавалі больш за 200 тысяч чалавек. Аднак «больш за 200 тысяч» — гэта толькі колькасць мабілізаваных у 53 рэгіёнах Расіі, падлічылі журналісты ў рамках сумеснага даследавання. Гэта значыць, што агульная колькасць мабілізаваных павінна быць большай, чым сцвярджае Шайгу.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Я так думаю / Адказаць
05.10.2022
У першую чаргу трэ' браць тых, хто казаў, што "могуць паўтарыць". Думка не мая, недзе вычытаў, спадабалася, жыццёва слушная думка. Таго ж байкера Задзёўбастанава, ці як яго, туды "запрасіць" хай на фронце павыпёндрываецца...
0
Могилизация работает / Адказаць
05.10.2022
Русские, сначала могилизовали мужское население так называемых ДНР и ЛНР,
затем могилизовали конрактную армию России, далее могилизуют
добробаты, затем могилизуют ЧВК, которые комплектуют уголовниками, теперь
приступили к могилизации мужского населения оккупированных частей 
Херсонской, Запорожской областей.
 К чему это я. К тому, что они смотрят, облизываются и пускают слюни, чтобы
могилизовать мужское население Беларуси в рамках "союзного" долга.
 К этому призывает Грызлов.

0
антисвета / Адказаць
05.10.2022
трагедыя ў тым, што расейцы магілізуюць (пазбазляюцца ад) сваіх маргіналаў, а ва Украіне гінуць іх лепшыя сыны і дачкі... і ад нас бы яны пэўна ж хацелі б на бойню лепшых гнаць...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру