Урад пастановай ад 28 верасня ўнёс папраўкі ў Палажэнне аб парадку аднясення працаздольных грамадзян да не занятых у эканоміцы, фарміравання і вядзення базы дадзеных працаздольных грамадзян, не занятых у эканоміцы. Новыя правілы запрацуюць з 1 снежня 2022 года.

Цяпер «дармаедамі» могуць быць прызнаныя шматдзетныя бацькі і бацькі маленькіх дзяцей да 7 гадоў. Раней мелі «імунітэт» ад траплення ў базу «грамадзяне, якія з'яўляюцца маці (мачахай) або бацькам (айчымам), усынавіцелем (удачарыцелем), апекуном (папячыцелем) і выхоўваюць дзіця ва ўзросце да 7 гадоў, дзіця-інваліда ва ўзросце да 18 гадоў, траіх і больш непаўналетніх дзяцей».

У новай рэдакцыі Палажэння згадкі пра бацькоў прыбралі ўсюды, за выключэннем бацькоў дзіцяці-інваліда ва ўзросце да 18 гадоў.

Таксама ў базе «дармаедаў» цяпер могуць апынуцца грамадзяне, якія працуюць з інтэлектуальнай уласнасцю паводле грамадзянска-прававых дамоваў, калі яны не атрымліваюць за гэта адпаведнае ўзнагароджанне. Раней агаворкі пра даходнасць не было.

Адна з катэгорый грамадзян, наадварот, выключаная з «дармаедскай» базы — члены радаў дырэктараў (наглядальных радаў) гаспадарчага таварыства будуць лічыцца занятымі ў эканоміцы, калі яны атрымліваюць узнагароду ад кампаніі.

З 1 мая 2021 года працаздольныя грамадзяне, не занятыя ў эканоміцы, аплачваюць павышанымі тарыфамі гарачае водазабеспячэнне, ацяпленне і газазабеспячэнне пры наяўнасці індывідуальных газавых ацяпляльных прыбораў.

Так званая «база дармаедаў» — спіс, у які заносяць не занятых у эканоміцы краіны грамадзян — абнаўляецца раз на тры месяцы.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

1
2 Рэдакцыя / Адказаць
05.10.2022
Там жа пра бАцькаў, а не пра бацькоў увогуле.
0
Никогда такооо не было, и вот / Адказаць
05.10.2022
Оккупационная администрация провела очередную перетряску предписаний и постановлений без учета мнения оккупированного населения
0
циник / Адказаць
05.10.2022
Концлагерь. Только восстание.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру