Фота: MuniRapaNui / Facebook

Пажар закрануў тэрыторыю каля патухлага вулкана Рана-Рараку, на схілах якога знаходзіцца частка статуй.

Агонь нанёс «непапраўную шкоду» каменным балванам, паведаміў у Facebook муніцыпалітэт Рапа-Нуі.

Лясны пажар на востраве пачаўся 4 кастрычніка, пад вечар наступнага дня яго патушылі. Агонь распаўсюдзіўся на плошчы 100 га і дасягнуў унутранага схілу патухлага вулкана Рана-Рараку, дзе знаходзіцца частка статуй.

Як паведамілі мясцовыя ўлады, ад пажару пацярпелі амаль 30 балванаў. Усяго ў раёне Рана-Рараку іх 386 — 265 звонку і 121 ўнутры вулкана.

Усяго іх на востраве амаль тысяча. Гэтыя каменныя статуі вырабіла ў перыяд прыкладна з 1400 г. да 1650 г. мясцовае племя рапануі.

Вышыня большасці мааі — каля 4 метраў, а самы вялікі з іх узвышаецца на 10 метраў і важыць 74 тоны.

Востраў Пасхі адкрыўся для турыстаў пасля кавіднага каранціну ўсяго тры месяцы таму. Цяпер частка яго тэрыторыі зноў закрытая — спецыялісты аглядаюць статуі і высвятляюць, наколькі сур'ёзна яны пацярпелі.

Востраў Пасхі знаходзіцца ў Ціхім акіяне за 3,7 тыс. км ад узбярэжжа кантынентальнай часткі Чылі. У 1995 годзе нацыянальны парк Рапануі быў уключаны ў Спіс аб'ектаў сусветнай спадчыны ЮНЕСКА.

label.reaction.like
label.reaction.facepalm
label.reaction.smile
label.reaction.omg
label.reaction.sad
label.reaction.anger

Хочаш падзяліцца важнай інфармацыяй ананімна і канфідэнцыйна?

0
Талерант / Адказаць
07.10.2022
Навошта абражаць, якія яны вам балваны ? Вось як угневіце іх, тады будзе вам... тое й тое.
0
Железный Дровосек / Адказаць
07.10.2022
Как там Хоа-Хака-нана-Ио? Переживаю...
0
Пиммс / Адказаць
07.10.2022
Железный Дровосек , да нормально она (он, оно) себя чувствует. Накормлена-напоена, вниманием окутана.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру