Такую думку выказаў журналістам старшыня праўлення Нацбанка Павел Калаўр пасля даклада Лукашэнку, піша БелТА.
Па словах Калаўра, будзе прадоўжаны працэс зніжэння ставак па крэдытах і ўсё гэта ў сукупнасці стварае нармальныя ўмовы для рэальнага сектара эканомікі па даступнасці крэдытаў.
Кіраўнік Нацбанка пацвердзіў, што сітуацыя ў эканоміцы патрабавала павелічэння працэнтных ставак па дэпазітах, каб «захоўваўся ашчадны працэс». І банкаўская сістэма гэта забяспечыла.
«У беларускай нацыянальнай валюце захоўваецца дадатны ў параўнанні з інфляцыяй прырост. Ён невялікі, але ўстойлівы і дадатны, — адзначыў Павел Калаўр. — Па замежнай валюце ёсць невялікае скарачэнне дэпазітаў. Прыкладна каля паўмільярда даляраў. Але гэтыя рэсурсы банкаўскай сістэме і не патрэбны былі, паколькі прадпрыемствы зарабілі на знешнім рынку валютную выручку і скарачалі валютнае крэдытаванне».
