«Што гэта за гульня — чатыры запар? Што з якасцю паперы?»

«Вы хочаце даведацца, ад чаго я плакала ўчора паўвечара? Паспрабуйце быць аб’ектыўнымі ў гэтай гісторыі, — пачала свой расповед яна ў сторыз. — Пачнём з таго, што мне прыходзіць наймілейшае смс, і я разумею, што мяне вырашылі парадаваць букецікам. Але ў выніку мне прыйшла такая кампазіцыя. Як вам якасць кветак і складанне кампазіцыі? З улікам таго, што каштаваў ён 80$».

Дзяўчына піша, што фота зроблена адразу пасля атрымання кветак і не рэдагавалася, і працягвае:

«Калі хто мала разбіраецца, я пакажу, — публікуе яна чарговую сторыз. — Што за дзірка? Ёсць адчуванне, што кветачку скралі. Што гэта за гульня — чатыры запар? Што з якасцю паперы? Чаму ўсё такое скамечанае? Калі вам гэтага недастаткова, паглядзіце на памер».

Паводле слоў мінчанкі, яна ездзіла ў офіс салона — там ёй быццам адказалі, што гэта яе віна: не паставіла кветкі ў ваду, іначай яны б параспускаліся.

«А дзе яны, прабачце, паспелі завянуць? Іх кур’ер вёз 10 хвілін, — здзіўлялася аўтарка сторыз. — Вядома, ніякіх кампенсацый і выбачэнняў я не пачула».

Таксама яна публікуе яшчэ адно фота з букетам ружаў і сцвярджае, што гэтыя кветкі былі замоўленыя ў тым жа салоне. І зноў абураецца:

«Велізарны бутон, які адразу ж распусціўся, і побач маленькі. Вы бачыце, што ўсе кветкі абсалютна розныя? У выніку палова ў мяне загінула праз два дні, хаця я ўсё падразала і трымала ў вадзе».

Фларыстка: «Пры атрыманні кветак трэба абавязкова падрэзаць іх сцёблы і паставіць расліны ў цёплую ваду»

З гэтай нагоды «Наша Ніва» пагутарыла з Ірынай — прафесійнай фларысткай, якая мае некалькі год навучання ў еўрапейскай установе і дзесяць год стажу ў кветкавай сферы. Мы запыталі, ці могуць кветкі завяць за 10 хвілін, ці ёсць у кампазіцыі гэтых букетаў заганы і чаму крама выкарыстала пакамечаную ўпакоўку.

Паводле слоў фларыста, мяркуючы па фота, букет складаецца з дарагіх сартавых піёнападобных руж White O’Hara і такіх жа куставых Mansfield Park, а таксама сартавых дыянтусаў (гваздзікоў) Apple Tea.

«Якраз запар выстраіліся чатыры куставыя півонападобныя ружы Mansfield Park. Гэта прырода: на адной ножцы растуць па некалькі кветак у розныя бакі. Гэта як у чалавека — адно вока большае, другое меншае, такая прырода, з гэтым нічога не зробіш, яна не можа быць ідэальнай», — кажа Ірына.

Па кампазіцыі букета ў фларысткі няма заўваг. Належна падабраныя колеры, кантрасты і кампазіцыйны цэнтр. А што да таго, што букет выглядае «стомленым»?

«Фларыст — гэта чалавек, які захоўвае кветкі і не дасць ім загінуць. Перад адпраўкай кліентам крамы трымаюць букеты ў вадзе ў халадзільніку — іншае стаўленне да раслін мне цяжка ўявіць нават у кветкавым ларку. Першымі сярод кветак з гэтай гісторыі завянуць ружы, а гваздзік увогуле вельмі моцны і ўстойлівы. Таксама можна вызначыць, ці была пастаўлена расліна ў ваду, па сцябле — яно будзе засохлым і пацямнее. Гэты крытэрый карысны і для купца, і для прадаўца, якому выстаўлена прэтэнзія», — тлумачыць фларыстка.

Яна адзначае, што знаходжанне без вады для кветак такі ж стрэс, як і для чалавека адсутнасць паветра. Нават пасля кароткай троххвіліннай дарогі кветкі трэба адпаіць.

«За гэты час поры кветкі забіваюцца паветрам і мала якія з іх застаюцца адкрытымі, а праз іх расліна насычаецца вадою», — гаворыць Ірына.

Спецыяліст адзначае: пры атрыманні кветак трэба абавязкова падрэзаць іх сцёблы і паставіць расліны ў цёплую ваду, каб тыя «аджылі». Таксама нельга кідаць кветкі на канапу і класці на іх іншыя рэчы (сумку і г.д.) — асабліва чуллівыя да механічных уздзеянняў ружы, іх пялёсткі надта кволыя.

Фота: pixabay.com

Ці можа стацца так, што кур’ер сапсаваў букет? У тэорыі так, але ж гэта не ў інтарэсах дастаўшчыкаў (у тым ліку тых, хто супрацоўнічае з «Яндэксам»).

«Паводле дамовы з кветкавымі крамамі, кіроўцы нясуць адказнасць за тавар, які дастаўляюць. Таксама кур’еры маюць у сістэме суму, якую павінны будуць сплаціць, калі тавар будзе пашкоджаны ў працэсе перавозкі ці не дастаўлены атрымальніку», — адказвае Ірына.

У дзяўчыны, якая атрымала букет, была прэтэнзія і да ўпакоўкі. Аказваецца, гэта сучасны трэнд, выкарыстоўваецца папера ціш’ю: яна хрусткая і мяккая. Яе мнуць наўмысна — гэта падобна да трэнду ў дызайне інтэр’ераў, калі мэблю знарок стараць для прыдання вінтажнасці.

Звычайна вярнуць грошы крама можа толькі заказчыку, а не атрымальніку букета, бо апошні яго не аплачваў. Акрамя таго, часта крамы паказваюць заказчыку фота канчатковага варыянта букета, з якім ён згаджаецца.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

4
циник / Адказаць
23.11.2022
Сунули четыре полежанные а ваша флористка пытается отмазать. Ушло то время когда в магазинах можно было купить шикарные розы и букеты, даже под заказ сейчас не факт что повезёт, всё залежалое. Более того не надейтесь даже купить цветы в последний момент перед встречей, даже в тцшках, все стоит по несколько дней, на растворах, как только купите сразу ж сдохнут, купите лучше конфет, потому что можно попасть в неприятную ситуацию, когда они скрючаться еще до середины свидания в кафешеке и дама будет расстроена.
3
працую за ежу / Адказаць
23.11.2022
Людзі тыдзень за 80 даляраў працуюць. Абмяркоўваць жыццё менскай багемы? Прабачце, але гусак свінні не таварыш. Сумняюся, што гэная багема заходзіць на НН.
0
Ася / Адказаць
23.11.2022
Перемудрил. Надо было охапку тюльпанов заказать.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру