Двух палітзняволеных «хімікаў» будуць судзіць па адміністрацыйных справах
У Гродзенскім абласным судзе сёння будуць разглядаць адміністрацыйныя справы супраць жлобінца Ільі Кадзетава і Дзмітрыя Бабкова. Іх вінавацяць у распаўсюдзе экстрэмісцкіх матэрыялаў. Працэс будзе весці суддзя Алена Тоўсцік-Самойла, паведамляе «Вясна».
Ілья Кадзетаў
Кадзетава асудзілі да 2 гадоў «хіміі» за ўдзел у паслявыбарчых акцыях пратэсту паводле арт. 342 КК. З 7 студзеня ён пачаў адбываць тэрмін у гродзенскай папраўчай установе № 24.
Бабкову прызначылі 1,5 года «хатняй хіміі» за абразлівы каментар у тэлеграм-канале «Карацелі Беларусі» ў снежні 2020 года. Кампенсацыю маральнай шкоды Дзмітрый выплаціў супрацоўніку міліцыі добраахвотна.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
