Паставіў лайк пад урыўкам з фільма. Стала вядома, за што затрымалі начальніка аўтакалоны ў Брэсце
У міліцэйскім відэа начальнік аўтакалоны «Брэсцкага грамадскага транспарту» Сяргей Серада кажа, што яго затрымалі «за экстрэмісцкія матэрыялы» і распаўсюджванне нацысцкай сімволікі, паведамляюць праваабаронцы.
У відэа выкарыстоўваецца скрыншот з «Аднакласнікаў», на якім паказана, што затрыманы паставіў лайкі пад відэа з пераагучкай урыўка фільма «Бункер».
У пераагучцы, якая выйшла летам 2020 года, апісваюцца перадвыбарчыя пікеты ў буйных гарадах, затрыманне Віктара Бабарыкі і Сяргея Ціханоўскага. У відэа персанаж Гітлера пытаецца, чаму яго называюць «Саша тры-адсоткі».
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
