На кадрах відаць, як мясцовыя жыхары, многія з якіх у масках, пасля наступлення цемры збіраюцца на вуліцах горада. Пасля гэтага пачынаецца супрацьстаянне з прадстаўнікамі ўладаў, людзі скандуюць: «Канец кавіднаму лакдаўну!» У іншым роліку натоўп прарываецца праз бар'ер, які ўтрымліваюць супрацоўнікі гарадскіх службаў у ахоўным рыштунку.

Агенцтва Reuters пацвердзіла лакацыю месца, дзе праходзіла дэманстрацыя. Стрымы з месца, якія Бі-бі-сі адсочвала ў пятніцу ўвечары, таксама паказвалі пратэстоўцаў, якія сабраліся каля будынка гарадской адміністрацыі.

«Нулявы кавід»

Афіцыйны Пекін працягвае праводзіць палітыку «нулявога кавіду». Аднак колькасць заражэнняў працягвае расці, мясцовыя жыхары ўсё часцей выказваюць незадаволенасць у сувязі з лакдаўнамі.

У той час як іншыя краіны зрабілі стаўку на вакцынацыю і на тое, каб навучыцца жыць з вірусам, Кітай пайшоў шляхам поўнага падаўлення кожнай наступнай успышкі і жорсткіх абмежаванняў, калі нават з-за адзінкавых выпадкаў улады адпраўляюць у лакдаўн цэлыя гарады.

Сталіца Сіньцзян-Уйгурскай аўтаномнай акругі Урумчы знаходзіцца ў лакдауне з пачатку жніўня. Раней адзін з жыхароў паведаміў Бі-бі-сі, што жыхарам комплексу, дзе здарыўся пажар, было забаронена пакідаць свае дамы.

Улады Урумчы сцвярджаюць, што кавідныя абмежаванні не перашкаджалі людзям выратавацца ад пажару, і нават пайшлі на незвычайны крок — прынеслі прабачэнні, паабяцаўшы пакараць усіх, хто не выканаў свой абавязак.

Інтэрнэт у Кітаі жорстка цэнзуруюць, і ўжо да раніцы суботы практычна ўсе згадкі пра пратэсты ва Урумчы былі выдаленыя з сацсетак.

Многія СМІ паведамлялі, што пажар ва Урумчы ў чацвер, у якім загінулі людзі, відаць, быў выкліканы няспраўнасцю ў электраправодцы, а кавідныя абмежаванні перашкаджалі тушэнню агню.

Позна ўвечары ў пятніцу гарадскія ўлады гэта абверглі, заявіўшы, што ў праблемах з тушэннем былі вінаватыя прыпаркаваныя ля дома аўтамабілі — яны нібыта перашкаджалі доступу пажарных машын да палаючага будынка.

Пратэсты ў Кітаі здараюцца рэдка, хоць грамадская незадаволенасць палітыкай Пекіна па барацьбе з каранавірусам расце.

Палітыка «нулявога кавіду» тлумачыцца нізкім узроўнем вакцынацыі і намаганнямі ўладаў па абароне пажылых людзей.

Але гэтая палітыка працуе не занадта эфектыўна — у сераду ў Кітаі было зарэгістравана 31 444 новыя выпадкі заражэння каранавірусам. Гэта абсалютны рэкорд — нават больш, чым падчас папярэдняга піку ў красавіку. Тады кітайскім уладам прыйшлося цалкам закрыць на каранцін Шанхай, і два месяцы 25-мільённы горад фактычна правёў у поўнай ізаляцыі.

Зараз аб успышках захворвання паведамляюць улады 31 правінцыі, на тэрыторыі якіх знаходзіцца і некалькі велізарных мегаполісаў. У іх ліку — і сталічны Пекін (больш за 22 млн жыхароў), і Гуанчжоу — буйны гандлёвы горад на поўдні краіны (18,5 млн), і некалькі іншых.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру