Крыс Ву, фота AP
Акруговы суд Чааян у Пекіне заявіў у пятніцу, што Ву будзе адбываць 11 гадоў і шэсць месяцаў за згвалтаванне трох жанчын, якія адбыліся ў яго доме ў 2020 годзе, і, па вызначэнні суда, калі ахвяры былі п'яныя, не разумелі, што адбываецца, ці не маглі супраціўляцца.
Ён таксама атрымаў тэрмін у адзін год і 10 месяцаў за «збор кампаніі для здзяйснення сэксу», дадаў суд.
Першай, хто абвінаваціў Ву, была студэнтка Ду Мэйчжу, якая летась напісала ў сацыяльных сетках, што пазнаёмілася з Ву двума гадамі раней, калі ёй было 17 гадоў.
Яна сказала, што яе запрасілі на вечарынку ў яго дом, дзе яе прымусілі выпіць алкаголь, а на наступны дзень яна прачнулася ў яго ложку.
Крыс Ву адхіліў гэтыя абвінавачванні, але затым яшчэ як мінімум 24 жанчыны абвінавацілі яго ў драпежніцкіх паводзінах. Яго абвінавацілі ў тым, што ён з пэўнымі мэтамі завабліваў жанчын на п'янкі-вечарынкі з караоке.
Знакамітасці таксама пагражае штраф 600 млн юаняў (больш за 83 млн даляраў) за ўхіленне ад выплаты падаткаў. Дзяржаўнае інфармацыйнае агенцтва Сіньхуа заявіла, што ён выкарыстаў фіктыўны бізнэс, каб паказваць лжывыя дэкларацыі аб сваіх даходах па ўсім свеце.
Крыс Ву (сапраўднае імя Ву І Фань), які нарадзіўся ў Кітаі, але мае канадскае грамадзянства, у 2010-х праславіўся як удзельнік бой-бэнда ў стылі Кей-поп «EXO».
Ён стаў адной з найбуйнейшых знакамітасцяў Кітая, зрабіўшы бліскучую сольную кар'еру — як спявак, акцёр, мадэль і суддзя на творчых конкурсах.
Але з-за судовага разбору многія ад яго адвярнуліся, у тым ліку рэкламадаўцы — такія брэнды, як Louis Vuitton, Bulgari, L'oreal Men і Porsche.
