Павел Латушка напісаў, што ўчора Дзмітрый Гара даваў Лукашэнку справаздачу аб тым, як працуе «прававое ноу-хау» яго ведамства — завочнае справаводства па «беглых, якія хаваюцца за мяжой». Следчы камітэт «гэтую працэдуру, якая парушае ўсё, што толькі можна, называе «спецыяльным справаводствам», адзначае Латушка.

Наконт прызначанага яму адваката Павел Латушка заявіў:

«Чалавека я гэтага не бачыў і не чуў, пра існаванне яго даведаўся са СМІ. Са мной ён ні разу не звязваўся, пра сябе не заяўляў, хаця ў судзе ведаюць мае кантакты.

Калі са мной «следчы» Гара мае зносіны праз СМІ, то публічна хачу заявіць, што адваката гэтага лічу некампетэнтным мяне «абараняць» і прашу адхіліць на падставе артыкула 47 Крымінальна-працэсуальнага кодэкса Беларусі («Падазраваны або абвінавачаны мае права адмовіцца ад абаронцы ў любы момант вытворчасці па матэрыялах або крымінальнай справе»).

Новага «абаронцу», зрэшты, прасіць сэнсу няма: самазабойцаў, мяркую, не знойдзецца ды і самому падстаўляць калег-юрыстаў не хацелася б», — напісаў Павел Латушка ў тэлеграм-канале.

Нагадаем, учора старшыня Следчага камітэта Дзмітрый Гара паведаміў дзяржаўным СМІ, што крымінальная справа супраць Ціханоўскай і Латушкі хутка можа быць перададзена ў пракуратуру для накіравання ў «завочны» суд. Нібыта іх адвакаты ўжо знаёмяцца з матэрыяламі. Адметна, што «абаронцаў» у судах па спецыяльнай вытворчасці прызначае орган крымінальнага расследавання.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
счётчик Гейгера / Адказаць
01.12.2022
Адметна, што «абаронцаў» у судах па спецыяльнай вытворчасці прызначае орган крымінальнага расследавання.
https://dcsfxzu8xls6u.cloudfront.net/304433

А зря, на мой взгляд, сп. Павал отказался от "шоу" , устроенного лукашистами. Надо было бы поучаствовать через скайп или другой мессенджер с прямой трансляцией для всех желающих.... Показать миру Ничтожество картофельного фюрера и его холуёв и прихвостней ...Ведь все "обвинения"  крутились бы вокруг так называемых выборов-дурыборов .   Была бы ещё одна возможность напомнить мировому сообществу , что в Беларуси не было Выборов , после 1994 года.                                                                         PS/ для собирания материалов уже для настоящего Суда над лукашизмом в Новой Беларуси. Ведь это будет одно огромное сплошное расследование. ФИО все известны, в том числе и умершие типа макея.
Каб пакінуць каментар, калі ласка, актывуйце JavaScript у наладах свайго браўзеру