Пра гэта ён заявіў на медыяфоруме «Беларусь — Расія: раўнапраўны саюз, агульная гісторыя, сумесная будучыня», які праходзіць у сераду ў ТАСС.

«Што мы робім — вярнулі цалкам сістэму выхавання ў школьную адукацыю, мы навучылі і ўкаранілі стаўкі людзей, якія адказныя ў школе толькі за выхаванне, таму што гэта не можа рабіць настаўнік-прадметнік у дадатак да сваёй асноўнай дзейнасці, гэта павінен быць педагагічны работнік, які спецыяльна прайшоў навучанне», — адзначыў Новікаў.

«Стварылі ўнутры школьнага раскладу часовыя слоты для такіх размоў, назвалі праект «Размовы пра важнае». <…> Гэта наш вопыт, мы гатовы падзяліцца, вельмі добра, што сёння прысутнічаюць міністры адукацыі абедзвюх краін (Расіі і Беларусі)», — дадаў ён.

Новікаў адзначыў, што за перыяд з верасня па снежань склалася станоўчае ўспрыманне «Размоў пра важнае» сярод школьнікаў, педагогаў і бацькоў.

«У народа на самай справе ёсць запыт на грамадска-палітычны парадак у рамках школьнага працэсу. Адукацыя ў нас цяпер складаецца з двух кітоў — навучанне плюс выхаванне. І гэта сустракае падтрымку і карыстаецца попытам. У даным выпадку хацелі б прапанаваць, ні ў якім разе не навязваючы, гэтую практыку распаўсюджваць, натуральна, з улікам спецыфікі беларускага грамадства і беларускага запыту з боку бацькоў і педагогаў, і з боку дзяцей», — сказаў ён.

Штотыднёвыя заняткі «Размовы пра важнае» пачаліся ў школах Расіі з 5 верасня. Яны праходзяць па панядзелках. Сцэнары заняткаў — для школьнікаў розных узростаў, з першага па адзінаццаты клас. Мяркуецца, што ўсяго іх будзе 34 — па колькасці навучальных тыдняў у годзе. Для кожнага ўрока распрацаваны метадычныя рэкамендацыі, у якіх апісаны змест, паслядоўнасць этапаў занятку, пададзены дапаможныя матэрыялы для настаўнікаў, інструкцыі для інтэрактыўных заданняў і гэтак далей.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
вев / Адказаць
07.12.2022
так кто у кого перенял опыт - у нас такое было уже давно
0
Грышка / Адказаць
08.12.2022
Размовы пра важнае... Што важнае? Беларуская свабода. Беларуская мова. Беларуская культура. Беларуская гісторыя. Беларуская спадчына. Беларуская працоўная этыка. Беларуская самапавага. Абмяркуйма гэтыя дужа важныя рэчы ў школе.
Каб пакінуць каментар, калі ласка, актывуйце JavaScript у наладах свайго браўзеру