На фота аднаго з пераможцаў, Юрыя Шакеля, — гняздо буслоў дыяметрам 2,5 метра і вышынёй 1,5 метра!
Буслы аблюбавалі адну з ацалелых сцен старога бровара ў вёсцы Друя Браслаўскага раёна і зрабілі там сваё шыкоўнае гняздо, у якім штогод выводзяцца птушаняты.
Усе буслы штогод надбудоўваюць гняздо. Шматузроўневыя буслянкі вельмі цяжкія: трохгадовае гняздо можа важыць больш за 200 кілаграмаў, а вельмі старое — больш за 800 кг.
