Выключэнне еўра з валютнага кошыка Нацбанк тлумачыць павелічэннем аб'ёмаў знешняга гандлю з Расіяй і Кітаем і пашырэннем выкарыстання валют гэтых краін пры знешнегандлёвых аперацыях, а таксама адначасовым скарачэннем тавараабароту з краінамі ЕС і разлікаў у еўра.

«У гэтых умовах змянілася структура гандлёвых аперацый у ААТ «Беларуская валютна-фондавая біржа». Адбылося павелічэнне аб'ёму здзелак з расійскім рублём і іх долі ў агульным аб'ёме біржавых таргоў пры адначасовым зніжэнні аб'ёму і ўдзельнай вагі аперацый з еўра», — тлумачаць у Нацбанку.

Пасля выключэння еўра з кошыка валют доля расійскага рубля ў ім будзе займаць 60%, даляра — 30%, кітайскага юаня — 10%.

З 15 ліпеня 2022 г. склад кошыку валют быў такі: расійскі рубель — 50%, даляр — 30%, еўра — 10%, кітайскі юань-10%.

Пры гэтым правядзенне таргоў еўра на Беларускай валютна-фондавай біржы працягнецца, а афіцыйны курс беларускага рубля да еўра будзе вызначацца на падставе інфармацыі аб крос-курсе еўра да даляра на міжнародных фінансавых рынках, адзначаюць у Нацбанку.

Многія эканамісты лічаць цяперашні курс расійскага рубля нярынкавым і завышаным. Зараз беларускі рубель будзе ў большай ступені прывязаны да гэтага курса.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

3
Эдгар / Адказаць
08.12.2022
Ну так посредством санкций Евросоюз запретил ввоз наличных евро и операции евро на более-менее крупные суммы с Беларусью. Это был лишь вопрос времени, все равно торговли с ЕС почти не стало, по сравнению как было до этого. Блестящая работа беларуской оппозиции в эмиграции по обрубанию торговых потоков Беларуси и Евросоюза. Путин стоя рукоплещет что альтернативу России чужими руками устранили, а уехавшие устаивать свою жизнь в Европе тешат своё самолюбие, как они нагнули ненавистный режим, как они ему отомстили...
Каб пакінуць каментар, калі ласка, актывуйце JavaScript у наладах свайго браўзеру