«Рэалізацыя дакумента дазволіць уніфікаваць падатковае заканадаўства дзвюх краін і прывядзе да супрацоўніцтва бакоў у сферы падатковага адміністравання», — гаворыцца ў паведамленні расійскага ўрада.
Дакумент павінен ратыфікаваць і беларускі парламент.
«Гарманізацыя падатковага заканадаўства» дзвюх краін, згодна з падпісанымі дарожнымі картамі паміж Расіяй і Беларуссю, павінна завяршыцца да 1 студзеня 2023 года.
Як заявіў расійскі прэм'ер Міхаіл Мішусцін на сустрэчы з прэм'ер-міністрам Беларусі Раманам Галоўчанкам 3 кастрычніка, дакумент закладвае аснову для фарміравання наднацыянальнага падатковага камітэта Саюзнай дзяржавы.
