Фота: СК
Жанчына патлумачыла следчым, што была п'яная і не зразумела, што нараджае. Пасля таго, як дзіця ўпала ў яму, палічыла яго мёртвым. На ўліку па цяжарнасці жанчына не была. У 2016 годзе яна адмовілася ад іншага дзіцяці ў радзільным доме.
Следчыя дапыталі абвінавачаную і сведкаў. Правялі праверку паказанняў на месцы, падчас якой жанчына падрабязна распавяла абставіны здзейсненага ёю злачынства.
Паводле судова-медыцынскай экспертызы, у крыві нованароджанай дзяўчынкі знойдзены этылавы спірт у канцэнтрацыі 1,3 праміле, што пацвярджае факт ужывання маці спіртнога напярэдадні родаў.
Судова-псіхіятрычнай экспертызай устаноўлена, што падчас учынення злачынства абвінавачаная магла ўсведамляць характар і грамадскую небяспеку сваіх дзеянняў.
39-гадовай жыхарцы Віцебскага раёна прад'яўлена абвінавачанне па ч. 1 арт. 144 (прычыненне смерці па неасцярожнасці) Крымінальнага кодэкса Рэспублікі Беларусь. Яе ўзялі пад варту.
