На палітзняволеных анархістаў у калоніях моцна ціснуць, яны баяцца за сваё жыццё
Праваабаронцы атрымалі інфармацыю, што на палітвязняў-анархістаў Мікіту Емяльянава (5 гадоў пазбаўлення волі) і Сяргея Раманава (20 гадоў пазбаўлення волі), якія цяпер знаходзяцца ў Ваўкавыскай калоніі № 11, моцна цісне адміністрацыя калоніі.
Мікіта Емяльянаў
Паводле інфармацыі праваабаронцаў, анархістаў рэгулярна змяшчаюць у ШІЗА ці ПКТ, да таго ж з дазволу адміністрацыі чыняцца правакацыі, якія пагражаюць жыццю і здароўю вязняў. Лісты да іх з важнай інфармацыяй не прапускаюць нават ад сваякоў.
Ціск настолькі вялікі, што абодва палітвязні асцерагаюцца, што іх можа напаткаць лёс Вітольда Ашурка.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ