3 жніўня на Зыбіцкай прайшоў вулічны канцэрт спявачкі Мэрыем Герасіменка на тэрасе бара «Банки-бутылки». Яна спявала песню «Обійми» гурта «Океан Эльзи» ў падтрымку Украіны. Спявачку затрымалі і двойчы арыштавалі на 15 сутак.
На наступны дзень пасля канцэрта ў бар прыйшлі праверкі з санстанцыі і МНС. А пазней быў затрыманы ўладальнік бара Андрэй Жук. Пазней стала вядома, што яго арыштавалі на 30 сутак. З таго моманту ён не выйшаў на волю. Акрамя таго, затрымалі і яго жонку Марыю Жук.
Па папярэдняй інфармацыі, Андрэя і Марыю, як і Мэрыем, абвінавачваюць паводле ч. 1 арт. 342 КК (актыўны ўдзел у дзеяннях, якія груба парушаюць грамадскі парадак). Ужо больш за тры месяцы яны ўтрымліваюцца ў СІЗА-1. Дата суда пакуль не прызначаная.
Адрас для лістоў:
СІЗА-1, Валадарскага, 2, Мінск, 220030
Марыя і Андрэй Жук
Мэрыем Рашыдаўна Герасіменка
«Спачатку зайшла санслужба, пасля МНС, а потым — міліцыя». Затрыманні на Зыбіцкай пасля выканання песні «Акіяна Эльзы» — што вядома?
Кіраўнік бара «Слоікі-Бутэлькі», каля якога спявалі «Обійми», атрымаў 30 сутак
