«У вас сапраўды залатое сэрца і чыстая душа». Слуцкі вертыкальшчык асабіста вырашыў неймаверна складаную праблему
Жыхарка Слуцка ад імя бацькоў вучняў школы № 10 публічна падзякавала старшыні Слуцкага райвыканкама Уладзіміру Гогу, не шкадуючы пафасных слоў, паведаміла выданне Kurjer.info. Што ж такое неверагоднае зрабіў гэты чалавек?
Уладзімір Гога
«Дзякуй за добрае сэрца і спагадлівасць, за ўвагу і разуменне праблемы.
За тое, што паклапаціліся пра змены ў раскладзе аўтобуса, каб дзеці не спазняліся ў школу,
што ў складаны для нас момант не адвярнуліся і не засталіся абыякавым. Знайшлі час і сілы паглыбіцца ў праблему і знайсці рашэнне. У вас сапраўды залатое сэрца і чыстая душа. Шчасця вам і ўсіх дабротаў», — піша жанчына.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
