Фота з вучэнняў «Саюзная рашучасць», якія адбываліся на тэрыторыі Беларусі ў пачатку 2022 года
«У наступным годзе асноўнымі мерапрыемствамі падрыхтоўкі Узброеных сіл стануць манеўры войскаў і сілаў «Захад-2023» і супольныя аператыўныя вучэнні Узброеных сіл Рэспублікі Беларусь і Расійскай Федэрацыі «Шчыт Саюза — 2023», — паведаміў Валерый Герасімаў на брыфінгу для вайсковых аташэ замежных дзяржаў.
Паводле яго, для супольных дзеянняў у складзе Кааліцыйнай групоўкі войскаў «на манеўры прадугледжваецца запрасіць вайсковыя кантынгенты з узброеных сіл краін дзяржаў-партнёрак». Якія менавіта гэта будуць дзяржавы, Герасімаў не ўдакладніў.
У канцы 2021-га і пачатку 2022 года Расія праводзіла супольныя з Беларуссю вучэнні «Саюзная рашучасць», якія скончыліся ўварваннем ва Украіну 24 лютага, у тым ліку і з тэрыторыі Беларусі.
хана балкончыку