Фота ілюстрацыйнае
Доктарка на прыёме казала мясцовым жыхаркам, што медыцына ім дапамагчы не можа, бо на іх накладзены сурок. Але яго можа зняць яе знаёмая шляхам спецыяльнага абраду. У выніку даверлівыя пацыенткі давалі жанчыне грошы, усяго такім чынам яна пабагацела на 20490 рублёў. Прытым брала не толькі грашыма, але і ювелірнымі вырабамі.
Аднак урэшце гэтая справа выйшла на паверхню. Жанчыну судзілі і далі ёй 3 гады калоніі агульнага рэжыму і штраф 1850 рублёў. Акрамя таго, з яе спагналі кампенсацыю шкоды ў суме прыкладна 20 тысяч рублёў і кампенсацыю маральнай шкоды на 6 тысяч рублёў. Аплата выдаткаў юрыдычнай дапамогі склала яшчэ 3760 рублёў.